“Real”dan rekord göstərici

La Liqanın 15-ci turunda “Real” öz meydanında “Deportivo”nu 3:2 hesabı ilə məğlub edib.

Futbolxeber.az saytının məlumatına görə, bu qarşılaşma llə “Kral klubu”nun bütün turnirlər nəzərə alınmaqla, məğlubiyyətsiz oyunları seriyası 35-ə çatıb. Bu isə klub tarixində yeni rekorddur.

Buna qədər “Real”ın ən uzun məğlubiyyətsiz oyunlar seriyası 34 olub. Bu nəticə 1989-cu ildə Leo Benhakkerin baş məşqçi olduğu vaxt qeydə alınıb.

Qeyd edək ki, “Real” sonuncu dəfə bu ilin 6 aprelində, Çempionlar Liqasının 1/4 final mərhələsinin ilk matçında səfərdə “Volfsburq”a uduzun - 0:2.