“Milan”: 13 illik həsrət bitdi, 49 il əvvəlki nəticə təkrarlandı

Yarımfinal mərhələsinin cavab oyununda “Alessandria”nı 5:0 hesabı ilə darmadağın edən “Milan” ölkə kubokunun finalına yüksəlib. Futbolxeber.az-ın məlumatına görə, bununla da “rossonerilər” 13 illik həsrətə son qoyub. “Milan” sonuncu dəfə məhz 2003-cü ildə Italiya kubokunda finala adlamışdı. Həmin vaxt həlledici oyunda qələbə qazanan “Milan” tarixində 5-ci dəfə ölkə kubokuna sahib çıxmışdı.

Eləcə də “Qırmızı-qaralar” 49 il əvvəlki nəticəsini təkrarlayıb. Belə ki, 1966/67 mövsümündən sonra ilk dəfə “Milan” kubokda ardıcıl 6 qələbə qazanıb.