“Barselona” Messidən asılıdır, kollektiv kimi isə “Bavariya” güclüdür”

“Bavariya”nın sabiq üzvü Jan-Mari Pfaff Münhen klubunun Çempionlar Liqasının yarımfinalında “Barselona”ya rəqib olması haqda danışıb. Futbolxeber.az-ın məlumatına görə, veteran futbolçu kollektiv kimi sabiq klubunun daha güclü olduğunu qeyd edib: “Barselona” əla komandadır. Lakin “Bavariya” daha üstündü. Kataloniya klubu Messidən çox asılıdır, kollektiv kimi isə “Bavariya” güclüdür. Messi meydanda özünü göstərə bilməyəndə “Barselona”nun oyunu yaxşı alınmır. Təbii ki, münhenlilərin işi çətin olacaq. “Bavariya”nın müdafiəçiləri Messi, Suares və Neymara qarşı diqqətli olmalıdırlar. Fikrimcə, bu cütlükdən finala “Bavariya” yüksələcək”.