“Yuventus” - “Roma” matçının hakimi: “Penalti qərarım səhv idi”

İtaliyalı hakim Canluka Rokki idarə etdiyi qalmaqallı “Yuventus” - “Roma” (3:2) matçı haqda danışıb. Futbolxeber.az-ın məlumatına görə, 41 yaşlı referi “Roma”nın qapısına təyin etdiyi ikinci penaltinin səhv qərar olduğunu etiraf edib: “Mənə ən çox bəzi insanların şərhləri təsir edir. Halbuki daha əvvəl onlar mənə dəstək olmuşdular. Futbolçular da mənə yardım etmirdilər. Lakin vicdanım təmizdir. Yeganə səhvim “Roma”nın qapısına Poqbaya qarşı edilən hərəkətdən sonra təyin etdiyim penalti idi”.

Xatırladaq ki, Rokki “Yuventus” - “Roma” matçında 3 penalti təyin etməklə yanaşı, 2 futbolçuya qırmızı, 7 oyunçuya isə sarı vərəqə göstərib.