“CBC Sport" 8 yaşında!

"CBC Sport" telekanalı üçün bu gün əlamətdar gündür.

Futbolxeber.az saytının məlumatına görə, kanalın əsas yayıma keçməsindən 8 il ötür.

"Caspian İnternational Broadcasting Company Sport" ("CBC Sport") Azərbaycanın ən gənc televiziya kanalıdır. 9 avqust 2015-ci ildə internet, 1 oktyabr 2015-ci ildə test yayımı başlayıb. 1 noyabr 2015-ci il tarixindən isə kanal əsas yayıma keçib.

Azərbaycanda 11-ci ümumrespublika telekanalı olan "CBC Sport" ölkədə ilk “HD” təsvir formatında yayımlanan televiziya kanalıdır.

8 sentyabr 2015-ci ildə Milli Televiziya və Radio Şurası tərəfindən “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ saylı Qanununun 7, 15.1-ci maddələrinin tələblərinə uyğun olaraq “CBC Sport” MMC-yə 37 MHs tezliyində ümumrespublika idman televiziya kanalının yayımı üçün müsabiqədənkənar xüsusi razılıq (lisenziya) verilməsi barədə qərar qəbul edilib.

“AzərKosmos” ASC ilə "CBC Sport" televiziya kanalı arasında bağlanmış müqaviləyə əsasən 2 noyabr 2015-ci il tarixdən etibarən 11135/H/27500 tezliyi ilə Azerspace-1 peyki üzərindən yayıma başlayıb.

"CBC Sport" Azərbaycan Premyer Liqasının 2015/16-cı il mövsümündən eksküliziv yayım hüququna malikdi. Telekanal həmçinin Çempionlar Liqasını, Avropa Liqasını, Avropa Çempionatının seçmə mərhələsini, İtaliya “A” seriyasını tamaşaçılara canlı təqdim edir.

"CBC Sport" kanalda çalışan həmkarlarımızı təbrik edir, gələcək fəaliyyətlərində daha böyük uğurlar arzulayırıq.

8 yaşınız mübarək!