Millimiz Yunanıstan heç-heçə etdi

Azərbaycan futzal millisi Avro-2026-nın əsas mərhələsi çərçivəsində 3-cü oyununa çıxıb.

Futbolxeber.az saytının məlumatına görə, yığmamız Bakıda Yunanıstanla qarşılaşıb.

Erkən qol vurmasına baxmayaraq, milli komandamız sonda vurduğu qolla məğlubiyyətdən qaçıb.

Bununla da millimiz 3 oyundan sonra xallarının sayını 2-yə çatdırıb. 2 oyundan sonra 4 xalı olan Yunanıstan qrup lideridir. Cəmi 1 matç keçirən Xorvatiya 3 xalla qrupda ikinci, 2 oyundan 1 xal toplayan İsveç isə sonuncudur.

Qeyd edək ki, Azərbaycan millisi bunadək İsveçlə 3:3 hesablı heç-heçə edib, Xorvatiyaya isə 2:9 hesabı ilə uduzub.

Avro-2026, Əsas mərhələ

V qrup

4 fevral

Azərbaycan - Yunanıstan - 2:2

Qollar: O.Rüstəmli, 1, S.Papakostas, 39 (avtoqol) - L.Tankas, 15, M.Ntatis, 38

Hakimlər: Telmen Undrakh (Norveç), Yakob Pavlovski (Almaniya), Dag Erik Tangvik (Norveç)

Timekeeper: Ramil Namazov (Azərbaycan)

Bakı İdman Sarayı