Şahin Diniyev: "Coşqunun klubsuz olmağı məni narahat edir"

"Araz-Naxçıvan"dan ayrılan yarımmüdafiəçi Coşqun Diniyev özünə yeni klub tapa bilməyib.

Futbolxeber.az saytının məlumatına görə, bu barədə "Report"a açıqlamasında 30 yaşlı yarımmüdafiəçinin atası, futbol mütəxəssisi Şahin Diniyev deyib.

O, oğlunun hələ də klubsuz olduğunu təsdiqləyib: "Doğrusu, bu məsələ Coşqun kimi, məni də narahat edir. Bəzi futbol agentləri ilə danışıqlar aparılır. Coşqunun seçiminin uğurlu olmasını istəyirəm. İnanıram ki, gələcək karyerası daha da yaxşı olacaq".

Qeyd edək ki, C.Diniyev son ilyarımda “Araz-Naxçıvan”da çıxış edib.