Qurban Qurbanov: “Bizə ədəbsizlik etmişdi, bildirdim ki, üzr istəmək lazımdır”

“Oyundan sonra rəqib komandanın baş məşqçisi ilə matçda baş verən münaqişədən danışdıq”.

Futbolxeber.az saytının “Qafqazinfo”ya istinadən verdiyi məlumata görə, bunu “Qarabağ”ın baş məşqçisi Qurban Qurbanov “Sabah”la keçirilən matçdan (3:3) sonra mətbuat konfransında deyib.

“Çünki onların köməkçisi bizə qarşı ədəbsizlik etmişdi. Bildirdim ki, bizim bütün heyətdən buna görə üzr istəmək lazımdır. O da dedi ki, məşqçinin əvəzinə mən hamınızdan üzr istəyirəm”, - Qurbanov bildirib.

Xatırladaq ki, matçın sonlarına yaxın “Sabah”ın məşqçisi Valerio Zuddas “Qarabağ”ın məşqçisi Müşfiq Hüseynova qeyri-etik jest edib.