“Omoniya”nın baş məşqçisi: “Qələbəmiz asan olmadı”

“Xoşbəxtik. Sevinirik ki, 4 qol vurduq, qol buraxmadıq”.

Futbolxeber.az saytının məlumatına görə, bu sözləri "Omoniya"nın baş məşqçisi Henninq Berq UEFA Konfrans Liqasının 3-cü mərhələsinin ilk matçında "Araz-Naxçıvan"a 4:0 hesabı ilə qalib gəldikləri oyundan sonra deyib.

Böyükhesablı qələbəyə baxmayaraq, o, heç nəyin tamamlanmadığını bildirib: “Hazırda bu nəticədən sonra komandamız yaxşı vəziyyətdədir. Amma heç nə tamamlanmayıb, evdə oynamalıyıq. İşimizi orada tamamlamalıyıq. Bu oyunda komandamız yaxşı idi. Müdafiə olunanda yaxşı işlədik. Komandanın performansından və nəticədən razı qaldım”.

“Bundan əvvəl "Qarabağ"la oyun üçün Bakıya gəlmişdiniz. "Araz-Naxçıvan"la onları necə müqayisə edərdiniz?” sualını mütəxəssis belə cavablandırıb: "Qarabağ"la qarşılaşanda səfərdə heç-heçə etmişdik. Patrik Andrade də orada oynayırdı. "Qarabağ" daha təcrübəli idi. "Araz-Naxçıvan" yeni qurulan komandadır. 1-2 oyunla müqayisə aparmaq çətindir. 3-4 il vaxt keçib. "Araz-Naxçıvan" yaxşı oyun nümayiş etdirir. "Aris"ə qarşı çox yaxşı çıxış etdilər, inamlı qələbə qazandılar. Bu gün bizim qələbəmiz asan olmadı. Sadəcə qollarımızı vurduq. Müdafiədə uğurlu çıxış etdik və "Araz-Naxçıvan"ın işini çətinləşdirdik”.