Mərkəzi oyunda qalib aşkarlanmadı

II Liqada 24-cü tura start verilib.

Futbolxeber.az saytının məlumatına görə, ilk oyun günündə bir görüş keçirilib.

Turun mərkəzi qarşılaşmasında "Şəfa" lider "Şahdağ Qusar"ı qəbul edib. Çempionluq əhəmiyyətli bu görüşü Bakıdakı “ASK Arena"da minlərlə azarkeş izləyib. Onların sırasında Qusardan gələnlərin çoxluğu diqqət çəkib.

Matç 0:0 hesabı ilə yekunlaşıb və mövsümün sonuna 2 tur qalmış bu iki komanda arasında xal fərqi yenə 3 olaraq qalıb.

Qeyd edək ki, hazırda 24 oyundan 68 xalı olan “Şahdağ Qusar” 1-ci, “Şəfa” 65 xalla 2-cidir.

Qusar təmsilçisi növbəti turda qalib gəlsə, 2-ci liqada çempion olacaq.

Əlavə edək ki, bu iki komanda 1-ci liqaya vəsiqəni artıq təmin ediblər.