“Həmin qolu özümü Maradonaya oxşatmaq üçün vurmamışam”

“Mən həmin epizodda əllə deyil, başqa qol vurmuşam”. Futbolxeber.az saytına verdiyi açıqlamada bu sözləri “Sumqayıt”ın hücumçusu Nurlan Novruzov deyib.

Azərbaycan Premyer Liqasının son turunda Nurlan “Neftçi”nin qapısına yol tapsa da, sonradan bu qolun əllə vurulduğu iddia olundu.

Hətta Nurlanı dünya futbolunun canlı əfsanəsi Dieqo Armando Maradona ilə müqayisə edənlər də tapıldı. Amma həmyerlimiz bu epizoda görə argentinalı əfsanə ilə müqayisə olunmasını düzgün hesab etmir: “Mən həmin qolu özümü Maradonaya oxşatmaq üçün vurmamışam. Bu futboldur və mən də futbolun hiyləgər fəndlərindən birindən istifadə etmişəm. Bu cür epizodlar futbolu daha da maraqlı edir. Qeyri-adi qollar isə heç vaxt unudulmur”.