"Bakı" 2013-cü ildə ilk dəfə uduzdu

Bu gün Topaz Premyer Liqasının 25-ci turu çərçivəsində "İnter"ə qarşı keçirilən oyun "Bakı" klubu üçün uğursuz alınıb. Futbolxeber.az-ın məlumatına görə, "zolaqlılar" 2013-cü ildə ilk dəfə uduzublar. Bugünkü qarşılaşmalaya qədər Bojidar Bandoviçin yetirmələri keçirdikləri 9 rəsmi oyunun heç birində meydandan məğlub ayrılmamışdı. Ölkə çempionatında "Sumqayıt" (1:1), "Simurq" (0:0) və "Neftçi" ilə (0:0) bərabərə qalan "zolaqlılar" "Turan" (4:0), AZAL (2:0), "Rəvan" (2:1) və  "Simurq" (1:0) üzərində də qələbəyə sevinmişdi. Daha iki matçda isə "Bakı" kubok çərçivəsində "İnter"lə heç-heçə oynamışdı (1:1; 2:2). Göründüyü kimi, komanda 10-cu oyununda meydandan xalsız ayrıldı.