“Sumqayıt” və "Turan Tovuz"dan qələbə

Bu gün Azərbaycan Premyer Liqasında 3-cü tura start verilİB.

Futbolxeber.az saytının məlumatına görə, günün ilk oyununda Qərb derbisi keçirilib. Tovuzda nominal qonaqlar 3 xalı 3 qolla qazanıblar. Bu qələbə və "Qarabağ" və "Zirə"nin bu həftə meydana çıxmaması səbəbindən Kurban Berdıyevin komandası liderliyə yüksəlib.

Daha sonra isə “Sumqayıt” öz meydanında “Səbail”lə üz-üzə gəlib. 86 dəqiqə ərzində tərəflər fərqlənə bilməsələr də, son 5 dəqiqədə triller yaşanıb. Yekunda "Sumqayıt" mövsümdə ikinci qələbəsini qazanıb.

Sabah isə turun daha 1 oyunu keçiriləcək.

Qeyd edək ki, bu tur keçirilməli olan “Şamaxı” - “Qarabağ” və “Zirə” - “Araz-Naxçıvan” matçları təxirə salınıb. “Qarabağ”ın Çempionlar Liqasının, “Zirə” isə Konfrans Liqasının pley-offuna yüksəldiyindən bu kollektivlərin oyunu baş vaxta keçirilib.

Azərbaycan Premyer Liqası

III tur

17 avqust (şənbə)

“Sumqayıt” - “Səbail” - 2:1

Qollar: Kamran Quliyev, 87 (1:0), Süleyman Alluş, 89 (1:1), Roy Kexart, 90+2 (2:1)

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev

M.Hüseynzadə adına Sumqayıt şəhər stadionu

“Kəpəz” - “Turan Tovuz” - 0:3

Qollar: Xəyal Nəcəfov, 15, Roderik Miller, 19, Kristian da Silva, 61

Hakimlər: Cavid Cəlilov, Kamran Bayramov, Zöhrab Abbasov, Rauf Allahverdiyev

Tovuz şəhər stadionu

20:30. “Neftçi” - “Sabah”

Bombardirlər: Davit Volkov ("Zirə") - 3 qol, Riçard Almeyda ("Qarabağ"), Xəyal Nəcəfov ("Turan Tovuz") - 2 qol