Şahruddin Məhəmmədəliyev "Adana Demirspor"dan ayrıldı

Azərbaycan millisinin qapıçısı Şahruddin Məhəmmədəliyev çıxış etdiyi "Adana Demirspor"dan ayrılıb.

Futbolxeber.az-ın məlumatına görə, bu barədə Türkiyənin gazetevatan.com saytı yazıb.

30 yaşlı qolkiperin müqaviləsini birtərəfli qaydada ləğv etdiyi vurğulanıb.

Şahruddin ötən mövsümdən indiyə kimi müqaviləsinə xitam verən 4-cü futbolçu olub. Daha əvvəl Yusuf Ərdoğan, Dorukhan Toköz və Mustafa Kapı müqavilələrini birtərəfli qaydada pozmuşdu. Badou Ndiaye, Younes Belhanda, Yonas Svensson və Kevin Rodriqes isə qarşılıqlı razılaşma əsasında klubla yollarını ayırmışdı.

Qeyd edək ki, Şahruddin Məhəmmədəliyev 2023-cü ilin sentyabrından Türkiyə Superliqası təmsilçisində oynayırdı. O, klubun heyətində 25 rəsmi matçda meydana çıxıb, 40 qol buraxıb, 5 oyunda qapısını toxunulmaz saxlayıb.