“Yarım epizoddan qol buraxırıq”

“Hər iki komanda yaxşı mübarizə apardı. Komandalar meydanın hər zonasında əzmkarlıq göstərməyə çalışırdı. Neçənci oyundur ki, epizodları dəyərləndirə bilmirik. Əvəzində yarım epizoddan qol buraxırıq. Dəyişiləsi çox şey var. Amma bu komandanın özəyini saxlamaq lazımdır. Qarşıdakı iki oyunu düşünüb çempionatı başa vurmalıyıq”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının 34-cü turunda "Turan Tovuz"a 0:1 hesabı ilə məğlub olduqları oyundan sonra deyib.

Mütəxəssis komandasının epizodları dəyərləndirə bilməməsinin səbəbini belə izah edib: “Bəzən konsentrasiya, bəzən də keyfiyyət lazım olur. "Araz-Naxçıvan" Premyer Liqada yeni komandadır. Daha da yaxşı olmağa cəhd etmək lazımdır”.