“Qarabağ” “Braqa”ya dərs keçdi

"Qarabağ" bu gün UEFA Avropa Liqasının pley-off mərhələsində ilk oyununu keçirib.

Futbolxeber.az saytını məlumatına görə, Qurban Qurbanovun komandası Portuqaliyada "Braqa"nın qonağı olub. Rəqibinə dərs keçən Qurban Qurbanovun komandası 4:2 hesablı qələbə qazanmaqla mərhələ adlamaq üçün əla şans qazanıb.

Qeyd edək ki, tərəflər arasında cavab görüşü fevralın 22-də Tofiq Bəhramov adına Respublika stadionunda gerçəkləşəcək.

UEFA Avropa Liqası

Pley-off mərhələsi, ilk oyun

15 fevral

"Braqa" (Portuqaliya) - "Qarabağ" (Azərbaycan) - 2:4

Qollar: Marko Yankoviç, 21-pen. (0:1), Simon Banza, 44 (1:1), Abdullah Zubir, 54 (1:2), Juninyo, 67 (1:3), Abdullah Zubir, 69 (1:4), Joao Moutinyo, 90+1 (2:4)

Baş hakim: Morten Kroq (Danimarka).

Braqa, "Estadio Municipal de Braga"