Elvis Maşike: "Fasiləyə qədər meydanda "istirahət etdik"

"İlk hissə bizim üçün çətin oldu. Fasiləyə qədər meydanda "istirahət etdik". 

Futbolxeber.az saytına müsahibəsində bu sözləri "Araz-Naxçıvan"ın hücumçusu Elvis Maşike Azərbaycan Premyer Liqasının IV turunda "Sumqayıt"a qarşı keçirdikləri oyun (1:1) barədə danışarkən deyib.

Konqolu hücumçu fasilədən sonra toparlandıqlarını bildirib: "İlk hissədən fərqli olaraq, fasilədən sonra toparlandıq. Komanda şəklində mübarizə apardıq. Hesabı da bərabərləşdirdik. Təəssüf ki, ikinci qolu vurmaq üçün yaxaladığımız şansları dəyərləndirə bilmədik".

Maşike növbəti turda "Kəpəz"ə qarşı keçirəcəkləri oyundan da söz açıb: "Həmin oyuna ciddi hazırlaşmalıyıq. Bizim üçün əsas olan gün keçdikcə daha yaxşısını etməkdir. Baş məşqçi tapşırıqlarını verəcək, "Araz-Naxçıvan"la matça hazırlaşdıracaq. Düşünürəm ki, "Kəpəz"ə qarşı daha yaxşı oyun sərgiləyəcəyik".

29 yaşlı forvard öz çıxışını da dəyərləndirib: "Düşünürəm ki, addım-addım bu çempionata adaptasiya olmağa ehtiyacım var. Mənimçün hər oyun təcrübədir. Azərbaycan çempionatında rəqabət var. Baxımlı çempionatdır, yaxşı komandalar var. Hər tur bu güclü komandalarla bir-bir qarşılaşırıq".