Prosineçki: “3 il sonra gördüm ki, Azərbaycan millisində inkişaf yoxdur”

Robert Prosineçki Azərbaycan milli komandasındakı fəaliyyəti barədə danışıb.

Futbolxeber.az saytının məlumatına görə, ölkəsinin “24 sata” nəşrinə geniş müsahibəsində xorvat mütəxəssis millimizdəki işinə də toxunub.

Prosineçki deyib: “Azərbaycanda keçirdiyim 3 il maraqlı təcrübə oldu. Yalnız oyuna 2 həftə qalmış Azərbaycana gedən sələflərimdən  fərqli olaraq, mən ailəmlə birgə orada yaşayırdım. Biz yaxşı oyun nümayiş etdirməklə Norveçə qalib gəldik, Xorvatiya və Çexiya ilə heç-heçə etdik. Amma 3 il sonra mən gördüm ki, Azərbaycan millisində inkişaf yoxdur”.

Xatırladaq ki, Robert Prosineçki 2014-17-ci illərdə Azərbaycanda çalışıb.