Papastatopulos: “Ədalətli nəticə oldu”

“Bir neçə oyundur ki, qalib gələ bilmirik. Bu görüşdə qapımızı toxunulmaz saxlayıb, əks hücumda qol vurmaq istəyirdik”.

Futbolxeber.az saytının məlumatına görə, bu sözləri "Olimpiakos"un futbolçusu Sokratis Papastatopulos Avropa Liqasının qrup mərhələsinin 4-cü turunda "Qarabağ"la Bakıda keçirilən görüşdən (0:0) sonra Yunanıstan mətbuatına açıqlamasında deyib.

Hakimlikdən və Tofiq Bəhramov adına Respublika Stadionunun öt örtüyündən gileylənən müdafiəçi nəticəni ədalətli hesab etdiyini bildirib: "İlk 20 dəqiqə bizim üçün yaxşı keçmədi. Amma sonra imkanlarımız oldu.

Belə çətin dövrdən sonra biz yavaş-yavaş ən yaxşısını etməyə çalışırıq. Bugünkü qarşılaşmada daha çox arxadan oynamalı olduq. Bəzi izaholunmaz qərarları olan hakim və belə meydançada, məncə, ədalətli nəticə oldu”.