Höccət “Sumqayıt”la vidalaşdı: “Böyük şəhərin tək komandası qürur mənbəyimizdir”

“Sumqayıt”dan Təbrizin “Traktor” klubuna keçən Höccət Haqverdi instaqram səhifəsində bununla bağlı paylaşım edib.

Futbolxeber.az saytının məlumatına görə, millimizin müdafiəçisi “Sumqayıt”ı heç vaxt unutmayacağını bildirib:

“Təxminən iki ildən sonra “Sumqayıt”la vidalaşmağın vaxtı gəldi. Bu klubda çox gözəl günlər keçirmişəm və bu komandada olmaqdan qürur duyuram. Bütün heyətə, xüsusən də, mənə həmişə mehriban olan azarkeşlərə təşəkkürümü və minnətdarlığımı bildirirəm. “Sumqayıt”ı heç vaxt unutmaram və hamınız üçün darıxıram. Sizi yenidən görməyə ümid edirəm. Təşəkkürlər və gələcəkdə uğurlar. Böyük şəhərin tək komandası qürur mənbəyimizdir”.

Höccət Haqverdi 2021-ci ilin yanvarından bu ilin yayına qədər “Sumqayıt”da çıxış edib.