Millimiz Belarusa qalib gəldi

Azərbaycan millisi bu gün Millətlər Liqasının qrup mərhələsində növbəti oyununa çıxıb. 

Futbolxeber.az saytının məlumatına görə, yığmamız 4-cü turda Belarusla doğma meydanda qarşılaşıb.

Görüş millimizin 2:0 hesablı qələbəsi ilə başa çatıb. Bununla da yığmamız qrupda ilk qələbəsini qazanıb.

Komandalar arasında 1 həftə əvvəl oynanılan ilk matç 0:0 hesabı ilə yekunlaşıb. 

Qrupun digər qarşılaşmasında isə lider Qazaxıstan Slovakiyanı 2:1 hesabı ilə məğlub edib.

Qeyd edək ki, millimiz hazırda 4 xalla qrupda üçüncü pillədə qərarlaşıb. 

UEFA Millətlər Liqası

C Liqası

IV tur

13 iyun

Azərbaycan - Belarus - 2:0

Qollar: Mahir Emreli, 76, Ramil Şeydayev, 90+3

Baş hakim: Anastasios Papapetru (Yunanıstan)

Bakı. "Dalğa Arena"