29 Noyabr 2025, Şənbə
UEFA “Qarabağ”ı cərimələdi
Kurban Berdiyev: “2 xal itirdik”
Tovuzda qapılara qol vurulmadı
UEFA reytinqində gerilədik

Ölkə futbolu

Ramin Quliyev: “...biabırçılıq idi”

"Sabah"ın baş məşqçisi Ramin Quliyev Azərbaycan Premyer Liqasının 6-cı turunda “Keşlə”lə 0:2 hesabı ilə uduzduqları oyundan sonra mətbuat konfransı keçirib.

- 3-cü dəqiqədə buraxdığımız qoldan sonra oyunda dominant tərəf idik. İkinci qol başadüşüləndir. Hücumlarımızda sonluq çatmırdı. Deyiləsi bir söz yoxdur. Futbolda belə şeylərin tez-tez təkrarlanması mənə çatmır. Bir var oynamırsan və məğlub olursan, bu, anlaşılandır. Oynayıb uduzmağı başa düşə bilmirəm. Hakimliklə bağlı danışmaq istəyirəm. İlk turda “Səbail”lə matçda da hakim Rəşad Əhmədov idi. Elə bil “Sabah”la qərəzi var. 3-cü dəqiqədən rəqib qapıçı vaxt aparıb, ona bir dəfə də xəbərdarlıq etmədi. Ancaq son dəqiqələrdə sarı vərəqə verdi. Rəşad Əhmədov kimi hakimlər futbolu öldürməklə məşğuldur. “Səbail”lə matçda da eyni şeyi başımıza açdı. Bugünkü hakimlik biabırçılıq idi. Epizoda da baxdıq, təmiz penalti idi. Nə olmalıdır ki, rəqib qapısına penalti verilsin?

- Konkret “Sabah”a qarşı qərəz var, yoxsa Azərbaycan hakimliyinin səviyyəsi budur?

- Bir dəfə də bizim epizodu görsünlər. Azərbaycan hakimlərindən danışmaq istəmirəm, sadəcə, Rəşad Əhmədovun etdikləri birbaşa qərəzdir.

- Qapıya gedən zərbənizi müşahidə etmədim...

- Zərbələr var, sadəcə dəqiqlik çatışmır. 90 dəqiqə oynayırsan, amma sonluq olmur.

- Klub rəhbərliyi ilə danışığınız olub? Fasilədən sonra sizi “Sabah”ın baş məşqçisi kimi görəcəyik?

- Bu sual keçən dəfə də verilmişdi. Ətraflı danışacağıq. İstefadan çəkinmirəm və qorxmuram.

- Dominantlıq edirsiniz, amma qol vurmaq mümkün olur. Böhrandan çıxış planınız nədir?

- Hər bir oyunda yaxşı oynayırıq. Böhrandan çıxış məşqlərdə daha çox işləməkdir.

- Heyətdə radikal dəyişiklik edə bilərsinizmi?

- Görünən heyətimiz budur. Kənarda qalan bircə Zurab Oçiqava və Xuan Kamaradır. Kamara böyük ümidlərlə gətirilib. Onun yoxluğu epizodlarda özünü göstərirdi (sportal.az).

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30