“Şerif”in yarımmüdafiəçisi "Simurq"da

“Simurq” heyətinə yeni futbolçu qatıb. Futbolxeber.az-ın klubun rəsmi saytına istinadən verdiyi məlumata görə, Zaqatala təmsilçisi bu gün serbiyalı yarımmüdafiəçi Marko Stanoyeviçlə rəsmi müqavilə bağlayıb. Moldovanın "Şerif" klubundan icarə əsasında transfer edilən 26 yaşlı Marko, “Simurq”un Avstriya hazırlığında da iştirak etmişdi. Məşqçilər korpusunun rəğbətini qazanan serbiyalı mövsümün sonuna qədər Zaqatala təmsilçisinin şərəfini qoruyacaq. O, "Simurq"un heyətində "88" nömrəli forma ilə mübarizə aparacaq.

Qeyd edək ki, Zaqatala təmsilçisi transfer çalışmalarını davam etdirir. Yaxın günlərdə daha bir neçə futbolçu ilə rəsmi müqavilələr imzalanacaq.