İtaliya klubunda baş məşqçi istefası

"Fiorentina" baş məşqçisi Fabio Qrossonu istefaya göndərib.

Futbolxeber.az saytının məlumatına görə, bu barədə qərar A Seriyasının 3-cü turunda Florensiya klubunun öz meydanında "Torino"ya 1:2 hesablı məğlubiyyətdən sonra qəbul edib. Qrosso bu gündən etibarən komandanın baş məşqçisi vəzifəsini icra etmir.

Qeyd edək ki, 48 yaşlı mütəxəssis iyunun 8-də "Fiorentina"ya baş məşqçi təyin olunmuşdu. O, 2 illik müqaviləyə imza atmışdı. Lakin komandanın yeni mövsümə ardıcıl 3 məğlubiyyətlə start verməsi Qrossonun vəzifəsini itirməsi ilə nəticələnib.