Jezus rəsmən “Barselona”da

“Barselona” braziliyalı hücumçu Qabriel Jezusu “Arsenal”dan transfer edib.

Futbolxeber.az saytının məlumatına görə, tərəflər arasında 3 illik müqavilə imzalanıb.

Daha əvvəl mətbuatda transfer məbləğinin 10 milyon avro olacağı bildirilib. Həmçinin “Arsenal” futbolçunun yeni komandasında əldə edəcəyi uğurlara görə bonuslar qazanacaq.

Jezus 2022-ci ilin yayından “Arsenal”da çıxış edirdi. Bu müddətdə bütün turnirlərdə 123 matçda iştirak edən hücumçu 32 qol vurub və 22 məhsuldar ötürmə edib. Onun London klubu ilə son müqaviləsi 2027-ci ilin yayına qədər nəzərdə tutulmuşdu.