Zamiq Əliyev yenidən Albaniya çempionu oldu

Azərbaycanlı müdafiəçi Zamiq Əliyevin çıxış etdiyi “Eqnatiya” Albaniya çempionu olub.

Futbolxeber.az saytının məlumatına görə, komanda sonuncu turda “Dinamo”ya (Tirana) 2:0 hesabı ilə qalib gələrək qızıl medalı rəsmiləşdirib.

Zamiq bu görüşdə start heyətdə meydana çıxıb və fasilədə əvəzlənib. Onun komandası hər iki qolu ilk hissədə vurub.

Qeyd edək ki, “Eqnatiya” ardıcıl 3-cü mövsümdür çempion olur. Zamiq son iki çempionluğun iştirakçısıdır.