Xuan Mata "8"i seçdi

Xuan Matanın “Mançester Yunayted”də hansı nömrə ilə çıxış edəcəyi bəlli olub. Futbolxeber.az-ın məlumatına görə, ispan yarımmüdafiəçi yeni klubunda “8” nömrəli formanı geyəcək. Mataya qədər bu nömrə bir neçə gün əvvəl “Fiorentina”ya keçən Andersona məxsus idi. Ondan əvvəl isə “Qırmızı şeytanlar”ın heyətində Pol İns, Nikki Batt və Ueyn Runi kimi futbolçular “8” nömrəli formadan istifadə ediblər.   

Xatırladaq ki, Mata “Mançester Yunayted”ə 2 gün əvvəl 37,1 milyon funt qarşılığında keçib.