Sabiq “Çelsi”li: “Milan”ı Zeedorfa görə seçdim”

“Milan”a transfer olunan Maykl Essyen yeni klubu haqda fikirlərini açıqlayıb. Futbolxeber.az-ın məlumatına görə, təcrübəli futbolçu “Milan”ı seçməyinin səbəbini də açıqlayıb: “Milan”ın uğur qazanması üçün əlimdən gələn hər şeyi edəcəyəm. Burada olduğum üçün çox şadam. Hər kəs bilir ki, “Milan” böyük klubdur. Nəyə görə məhz “Milan”ı seçdim? Zeedorfa görə. 2 gün onunla danışdıqdan sonra yekun qərarımı verdim. O, böyük şəxsiyyətdir və məşqçi kimi də böyük uğurlar qazanacağına əminəm. “Çelsi”yə, Abromoviç və Maurinyoya minnətdaram ki, “Milan”a qoşulmağıma problem yaratmadılar. “Milan”ın formasında meydana çıxacağım günü səbirsizliklə gözləyirəm. Komandanın heyətində Balotelli və Kaka kimi böyük futbolçuların olması əladır”.

Qeyd edək ki, Essyen cari mövsümdə Çempionlar Liqasında “Milan”a kömək edə biləcək. O, cari mövsümdə “Çelsi”nin heyətində qitənin ən mötəbər klub turnirində forma geymədiyindən 1/8 finalda “Atletiko”ya qarşı matçlarda iştirak edə bilər.