Arsen Venger: “Çelsi”nin bu addımından xeyli təəccübləndim”

“Arsenal”ın baş məşqçisi Arsen Venger Xuan Matanın “Mançester Yunayted”ə keçidini şərh edib. Futbolxeber.az-ın məlumatına görə, fransız mütəxəssis “Çelsi”nin bu addımından təəccübləndiyini bildirib: “Çelsi”nin Mata ilə vidalaşmasından xeyli təəccübləndim. O, böyük futbolçudur. “Çelsi” bu addımı ilə rəqibini xeyli gücləndirmiş oldu. “Çelsi” artıq “Mançester Yunayted”lə 2 dəfə qarşılaşıb. Yaxşı olardı ki, onlar bu transferi bir qədər əvvəl rəsmiləşdirərdilər. Düzdür, “Çelsi” belə addım atmaqla heç bir qayda pozuntusuna yol vermir. Amma ədalətli addım atsaydılar, daha yaxşı olardı”.