Avroliqada 2 klub 1/8 finala vəsiqəni təmin etdi

UEFA Avropa Liqasında Liqa mərhələsinin 7-ci turunun oyunlarından sonra 1/8 finala və pley-offa vəsiqəni təmin edən bəzi klublar müəyyənləşib.

Futbolxeber.az-ın UEFA-nın saytına istinadən verdiyi məlumata görə, sona 1 tur qalmış “Aston Villa” və “Lion”un birbaşa 1/8 finala adladığı dəqiqləşib.

Pley-offu təmin edən komandalar isə “Bolonya” (İtaliya), “Braqa” (Portuqaliya), “Selta” (İspaniya), “Srvena Zvezda” (Serbiya), “Fənərbağça” (Türkiyə), “Ferensvaroş” (Macarıstan), “Frayburq” (Almaniya), “Genk” (Belçika), “Midtyülland” (Danimarka), PAOK (Yunanıstan), “Portu” (Portuqaliya), “Betis” (İspaniya), “Roma” (İtaliya), “Ştutqart” (Almaniya), və “Viktoriya Plzen”dir (Çexiya).

Qeyd edək ki, Avropa Liqasının reqlamentinə əsasən, turnir cədvəlində 1-8-ci yerləri tutan komandalar birbaşa 1/8 finala, 9-24-cü yerlərin sahibləri isə pley-offa yüksələcəklər.

Sonuncu - 8-ci turun bütün matçları 30 yanvar, Bakı vaxtı ilə saat 00:00-da başlayacaq.