“Neftçi”nin keçmiş müdafiəçisi Qırğızıstan klubunda

Qırğızıstan Premyer Liqasında çıxış edən "Toktoqul" klubu heyətini yeni futbolçu ilə gücləndirib.

Futbolxeber.az saytının məlumatına görə, klub Gürcüstan millisinin təcrübəli müdafiəçisi Solomon Kverkveliyanı heyətinə qatıb. Müdafiəçi ilə 2027-ci ilin sonuna qədər müqavilə imzalanıb.

Qeyd edək ki, Azərbaycan azarkeşlərinə yaxşı tanış olan 33 yaşlı Kverkveliya karyerası ərzində Rusiyanın "Rubin" və "Lokomotiv", Ukraynanın "Metalist" klubları ilə yanaşı, Bakının "Neftçi" klubunun da şərəfini qoruyub. O, "ağ-qaralar"ın heyətində 33 matça çıxıb.

Xatırladaq ki, Kverkveliya karyerası ərzində Fernando Torres, Kriştiano Ronaldo, Roberto Firmino, Qaret Beyl, Marko Roys və Tomas Müller kimi dünya ulduzlarına qarşı oynamaq təcrübəsinə malikdir. O, həmçinin AVRO-2024-də Gürcüstan millisinin heyətində tarixi uğura imza ataraq 1/8 finala yüksəlib və Ronaldonun da yer aldığı Portuqaliya üzərində qələbədə pay sahibi olub.