Mbappe “Barselona”ya qarşı oynayacaq?

“Real”ın hücumçusu Kilian Mbappenin İspaniya Superkuboku uğrunda “Barselona”ya qarşı keçiriləcək matçda meydana çıxıb-çıxmayacağı hələ bilinmir.

Futbolxeber.az saytının xarici KİV-ə istinadən verdiyi məlumata görə, bu barədə Madrid klubunun baş məşqçisi Xabi Alonso bildirib.

İspan mütəxəssis Mbappenin durumunun günü-gündən yaxşılaşdığını söyləyib:

“90 dəqiqə boyunca olmasa da, Mbappe “Atletiko”ya qarşı görüşdə meydana çıxa bilərdi. Lakin biz risk etməmək və onun qayıdışını tezləşdirməmək qərarına gəldik. O, bu gün komanda ilə birgə məşq edəcək. Kilianın “Barselona”ya qarşı oynayıb-oynamayacağını da məhz bugünkü məşqdən sonra biləcəyik. O, start heyətində meydana çıxa bilər, həmçinin az oynaması da mümkündür”.

Xatırladaq ki, “Real” - “Barselona” görüşü sabah Bakı vaxtı ilə 23:00-da start götürəcək.