“Vest Hem” argentinalı hücumçu transfer etdi

İngiltərənin “Vest Hem” klubu heyətini yeni futbolçu ilə gücləndirib.

Futbolxeber.az saytının məlumatına görə, London təmsilçisi “Latsio”nun hücumçusu Valentin Kastelyanosu transfer edib. Argentinalı forvard 4 illik müqaviləyə imza atıb. Kastelyanos yeni klubunda 11 nömrəli formada çıxış edəcək.

Britaniya mətbuatı keçidin 29 milyon avroya başa gəldiyini yazıb.

Qeyd edək ki, 27 yaşlı forvard cari mövsümdə bütün turnirlər nəzərə alınmaqla 12 matçda iştirak edib, 2 qol vurub və 3 dəfə məhsuldar ötürmə müəllifi olub.