“Əl-Əhli” braziliyalı hücumçu transfer etdi

Səudiyyə Ərəbistanının “Əl-Əhli” klubu növbəti transferini reallaşdırıb.

Futbolxeber.az saytının məlumatına görə, Ciddə təmsilçisi braziliyalı hücumçu Rikardo Matias da Silvanı heyətinə qatıb. “İnternasional”da forma geyən 19 yaşlı futbolçu ilə 4 illik müqavilə imzalanıb. Da Silva “Əl-Əhli”də 99 nömrəli formanı geyəcək.

192 sm boya malik forvard 2023-cü ildə U-17-lər, ötən il isə U-20-lər arasında Cənubi Amerika Kubokunun qalibi olub.

Ötən il “İnternasional”ın heyətində 28 matçda forma geyən Rikardo Matias da Silva 6 qol vurub və 1 dəfə məhsuldar ötürmə müəllifi olub.