Yuri Vernidub: “Yazırlar ki, guya mən “Neftçi” ilə anlaşmışam?”

Ukraynalı mütəxəssis Yuri Vernidub adının “Neftçi” klubu ilə hallanmasına münasibət bildirib.

Futbolxeber.az-ın məlumatına görə, bu barədə o, Ukraynanın “Tribuna” saytına danışıb.

59 yaşlı mütəxəssis Azərbaycan təmsilçisi ilə razılığa gəlməsi yayılan xəbərləri təkzib edib və bu haqda iddialara belə reaksiya verib:

“Yazırlar ki, guya mən “Neftçi” ilə anlaşmışam? Kim nə yazırsa, yazsın... Mən heç kimlə danışmamışam, heç bir jurnalistlə əlaqə saxlamamışam. Elə bil Vatskonun votsapda nəsə gördüyü kimi bir şeydir. Hazırda Zaporojyedəyəm, mağazadan çıxıb yolla gedirəm”.

Mütəxəssisdən danışıqların olub-olmadığı soruşulduqda isə bununla bağlı danışmaq istəmədiyini vurğulayıb:

“Bu barədə danışmayacağam. Çünki heç bir əsas yoxdur. Hələ ortada heç nə yoxkən qabaqcadan nəsə demək doğru deyil”.