“Aris” sabiq “Barselona”lını heyətinə qatdı

“Araz-Naxçıvan”ın UEFA Konfrans Liqasının 2-ci təsnifat mərhələsindəki rəqibi “Aris” heyətini yeni futbolçu ilə gücləndirib.

Futbolxeber.az saytının məlumatına görə, Saloniki təmsilçisi “Selta”dan Karles Peresi heyətinə qatıb. “Barselona”nın yetirməsi olan 27 yaşlı vinger bir mövsümlük icarəyə götürülüb.

Qeyd edək ki, Peres kataloniyalıların əsas komandasında 13 oyunda 3 qol vurub, 2 məhsuldar ötürmə edib. O, “Roma” və "Xetafe"də də çıxış edib. İspan futbolçu ötən mövsüm La Liqada 27 oyunda 3 qol vurub.

Qeyd edək ki, "Araz-Naxçıvan" "Aris"lə ilk oyununu iyulun 24-də evdə, cavab görüşünü iyulun 31-də səfərdə keçirəcək.