Santuş Jotanın faciəvi ölümündən danışdı

Azərbaycan millisinin baş məşqçisi Fernandu Santuş "Liverpul"un futbolçusu, Portuqaliya yığmasının üzvü Dioqo Jotanın faciəvi ölümündən danışıb.

Futboxleber.az saytının məkumatına görə, portuqaliyalı mütəxəssis "A Bola"ya açıqlamasında həmyerlisi ilə bağlı çoxlu xoş xatirələrinin olduğunu deyib:

"İndi yalnız onun üçün çoxlu dua edə bilərəm. Onun ailəsi haqqqında düşünürəm. Jota böyük oyunçu, hər şeydən əvvəl əla insan idi. Belə vaxtlarda futbolçu haqqında danışmaq çətindir. Mən baş məşqçi olan vaxt Jota 22 yaşında millidə debüt edib. Dünyanın ən yaxşı oyunçusu Kriştiano Ronaldonun kölgəsində qaldı, amma həmişə öz yerini tapdı. Milli komandada onun əməyi çox idi".

Qeyd edək ki, iyulun 3-də avtomobil qəzasında dünyasını dəyişən D.Jota Portuqaliya millisi ilə 2 dəfə Millətlər Liqasının qalibi olub.