De Bruyne bir şərtlə “Mançester Siti”də qalmağa hazırdır

Kevin De Bruyne yeni mövsümdə də “Mançester Siti”də çıxış edə bilər.

Futbolxeber.az saytının “Give me Sport”a istinadən verdiyi məlumata görə, 33 yaşlı futbolçu rəhbərliklə görüşdə klubda qalmağa hazır olduğunu bildirib. De Bruyne bildirib ki, “Mançester Siti” ilə yeni müqavilə imzalamağa hazırdır. Lakin bunun üçün belçikalı yarımmüdafiəçinin bir şərti var. O, daha çox oynamaq şansı qazanmaq arzusundadır.

De Bruyne hesab edir ki, hələ də əvvəlki kimi yüksək səviyyədə çıxış etməyə qadirdir və bunu sübut etmək istəyir. Hələlik “Mançester Siti”nin şərti qəbul edib-etmədiyi bilinmir.  

Xatırladaq ki, De Bruynenin Mançester klubu ilə hazırkı müqaviləsi bu yay başa çatır.