Dünyanın ən bahalı futbol klublarının siyahısı açıqlanıb

Dünyanın ən bahalı futbol klublarının yeni siyahısı açıqlanıb.

Futbolxeber.az saytının məlumatına görə, CNBC telekanalının tərtib etdiyi sıralamada birinci pillədə “Real” yer alıb. Madrid klubunun qiyməti 6,7 milyard dollardır. İkinci yerdə 6 milyard dollarla “Mançester Yunayted” qərarlaşıb. İlk üçlüyü isə 5,65 milyard dollarla “Barselona” qapayır.

Dünyanın ən bahalı futbol klublarının ilk onluğunda həmçinin “Liverpul” (5,4 milyard dollar), “Mançester Siti” (5,2 milyard dollar), “Bavariya” (5,1 milyard dollar), PSJ (4,55 milyard dollar), “Arsenal” (4 milyard dollar), “Tottenhem” (3,55 milyard dollar) və “Çelsi” (3,5 milyard dollar) yer alıb.