Berdıyev “Rubin”in qonağı oldu

"Turan Tovuz"un baş məşqçisi Kurban Berdıyev Rusiyanın “Rubin” klubunun qonağı olub.

Futbolxeber.az saytının məlumatına görə, bu barədə Tovuz təmsilçisinin mətbuat xidməti açıqlama yayıb.

Türkmənistanlı mütəxəssis, Rusiya Premyer Liqasının 26-cı turunda keçirilən “Rubin” - “Fakel” oyununda “Ak Bars Arena”da adına verilən sektorun açılışında iştirak edib.

Kurban Berdıyev rəmzi olaraq oyunda topa ilk toxunuşu yerinə yetirib.

Ona “Rubin”in prezidenti Marat Safiullin tərəfindən xatirə hədiyyəsi təqdim olunub.

Qeyd edək ki, Kurban Berdıyev 2001-2013-cü və 2017-2019-cu illərdə "Rubin"i çalışdırıb. O, Kazan təmsilçisi ilə iki dəfə (2008, 2009) Rusiya çempionu olub.