“Yuventus” Mottanı mövsümün sonunda göndərəcək

Son turlar uğursuz nəticələrlə yadda qalan “Yuventus” baş məşqçi Tyaqo Mottanı hələlik istefaya göndərməyəcək.

Futbolxeber.az saytının məlumatına görə, bu barədə insayder Fabritsio Romano bildirib.

Onun sözlərinə görə, növbəti turda “Cenoa”ya qarşı keçiriləcək matça da komandanı Motta çıxaracaq. Mütəxəssis yalnız mövsümün sonunda istefaya göndəriləcək.

Qeyd edək ki, ötən yaydan “Yuventus”u çalışdıran 42 yaşlı mütəxəssisin klubla müqaviləsi 2026/27 mövsümün sonuna kimidir.

Əlavə edək ki, son 2 turda "Yuventus" "Atalanta"ya 0:4, "Fiorentina"ya isə 0:3 hesabı ilə uduzub.