Renat yenə qələbə qolunu vurdu

Azərbaycan millisinin üzvləri Rahil Məmmədov və Renat Dadaşovun formasını geydiyi “Radomiak” Polşa Ekstraklasasında 24-cü tur oyununa çıxıb.

Futbolxeber.az saytının məlumatına görə, komanda səfərdə “Krakovia” ilə qarşılaşıb. Oyunda "Radomiak" 2:1 hesabı ilə qalib gəlib.

Rahil bu görüşün iştirak ərizəsində yer almayıb.

Renat isə meydana 54-cü dəqiqədə Roberto Alveşin əvəzinə çıxıb. O, 90+1-ci dəqiqədə fərqlənib.

Renat bununla da yeni komandası ilə ardıcıl 2-ci matçında da qol vurub.

Qeyd edək ki, “Radomiak” hazırda turnir cədvəlində 28 xalla 12-cidir.