Kolumbiyada futbol oyununda ildırım 5 nəfərin həyatına son qoyub

Kolumbiyada regional turnir çərçivəsində qadınlar arasında keçirilən futbol matçı zamanı faciə yaşanıb.

Futbolxeber.az saytının xarici KİV-ə istinadən verdiyi məlumata görə, ildırım vurması nəticəsində oyun vaxtı 5 nəfər həyatını itirib. Onlardan 4-ü meydandakı qadın futbolçular olub. Bədbəxt hadisə oyunçuların fırtınadan ağacın altına sığındıqları zaman baş verib.

Daha bir nəfər - adı açıqlanmayan kişi isə xəstəxanda vəfat edib.

Bundan başqa, daha iki yaralı qadın ağır vəziyyətdə xəstəxanaya çatdırılıb.