Səmədov Azərbaycan millisində oynamadığına görə peşman deyil

Moskvanın “Lokomotiv”, “Spartak”  klubunun sabiq yarımmüdafiəçisi Aleksandr Səmədov Azərbaycan millisini deyil, Rusiya yığmasını seçməsi barədə növbəti dəfə açıqlama verib.

Futbolxeber.az saytının məlumatına görə, o, "RB Sport"a müsahibəsində "Rusiya millisinin seçdiyinə görə peşman oldunuzmu" sualına cavab olaraq deyib:

"Məni federasiya (AFFA - red.) dəvət etmişdi. Amma mən bu qərarı (Rusiya millisini seçməsini - red.) verdim. Bu, çox əvvəl olub. Mən hətta təfərrüatları belə xatırlaya bilmirəm.

Rusiya millisini seçdiyimə peşman olmuşammı? Mən iki dünya çempionatında, Avropa çempionatında və Konfederasiyalar Kubokunda çıxış etmişəm. Bu barədə yalnız xəyal edə bilərsiniz! Necə peşman ola bilərəm? Mən Rusiyada anadan olmuşam" .