“Sabah”ın baş məşqçisini küləyə bənzətdilər

Moskva ÇSKA-sının qapıçısı İqor Akinfeyev Vasili Berezutskinin Çinin “Şanxay Şenxua” klubundan ayrılaraq Azərbaycanın “Sabah” komandasına keçməsini ironik şəkildə tənqid edib.

Futbolxeber.az saytının məlumatına görə, bu barədə  Rusiyanın “Matç TV” kanalının saytı yazıb.

“Aleksey Berezutski Vasili Berezutskidən daha məsuliyyətlidir (Aleksey Vasilinin əkiz qardaşıdır - red.). Vasya külək kimidir. O, bu yaxınlarda müsahibə verdi və Çində ona necə gözəl olduğunu dedi. İki gün sonra isə Azərbaycanda bir klubun baş məşqçisi təyin olundu (gülür)” - deyə Akinfeyev TNT kanalında "Şou Voli" proqramının efirində bildirib.

42 yaşlı Vasili Berezutski “Sabah”dan əvvəl ÇSKA, “Krasnodar” komandalarının da məşqçilər korpusunda çalışıb.