Juninyo: “Flamenqo”nun təklifindən imtina etmək çətin idi”

“Qarabağ”dan ayrılıb “Flamenqo”ya transfer olunan Juninyo açıqlama verib.

Futbolxeber.az saytının məlumatına görə, o, “Fla TV”yə müsahihəsində bu keçiddə “Flamenqo”nun baş məşqçisi Felipe Luisin vacib rol oynadığını deyib.

Juninyo həmçinin bildirib ki, hazırda ABŞ-da təlim-məşq toplanışında olan komanda yoldaşlarından Leo Pereyradan ismarış alıb. 

“Menqan”ın (“Flamenqo”nun qısaldılmış adı - red.) təklifindən imtina etmək çətin idi. Siz bəyəndiniz, ya yox, amma bu məsələdə baş məşqçinin dəstəyi də çox önəmlidir. Xüsusən Felipe Luisin klubun tarixindəki xidmətlərini unutmamalıyıq. Leo Pereyra isə mənə mesaj göndərdi. Mən onu çoxdan tanıyıram. Onun “Flamenqoda”kı uğurlarını izləyirdim. Onun burada olması mənim adaptasiya prosesimi yüngülləşdirəcək”.

Xatırladaq ki, Juninyo bu günlərdə “Flamenqo” ilə 2028-ci ilin sonuna qədər müqavilə imzalayıb.