“Qarabağ”ın rəqibi yenidən lider oldu

Yunanıstan çempionatında 17-ci tura yekun vurulub.

Futbolxeber.az saytının məlumatına görə, UEFA Avropa Liqasında “Qarabağ”ın rəqiblərindən olan “Olimpiakos” turun son matçında səfərdə “Panetolikos”la qarşılaşıb.

Matç qonaqların qələbəsi ilə yekunlaşıb. Ayub el-Kaabi (45+5) və Çikinyonun qolları “Olimpiakos”a 2:0 hesablı qələbə qazandırıb.

Bu qələbə sayəsində xallarının sayını 37-ə çatdıran “Olimpiakos” yenidən turnir cədvəlində liderliyə yüksəlib. “Panetolikos” isə 23 xalla altıncı pillədə qərarlaşıb.

Qeyd edək ki, “Qarabağ” Avroliqanın son turunda - yanvarın 31-də Yunanıstanda "Olimpiakos"la üz-üzə gələcək.