Benzia Toqo səfərində sevindi

“Qarabağ”ın futbolçusu Yassin Benzianın çıxış etdiyi Əlcəzair millisi Afrika Millətlər Kubokunda növbəti oyuna çıxıb.

Futbolxeber.az saytının məlumatına görə, komanda 4-cü turda səfərdə Toqo ilə qarşılaşıb və 1:0 hesablı qələbə qazanıb.

Benzia da bu matçın iştirakçısı olub. Meydana start heyətində çıxan yarımmüdafiəçi 63-cü dəqiqədə Said Benrahma ilə əvəzlənib.

Qeyd edək ki, Əlcəzair yığması E qrupunda 12 xalla liderdir. Bu qələbə sayəsində komanda son 2 turun nəticələrindən asılı olmayaraq növbəti mərhələyə vəsiqəni təmin edib.