Rekordçu Pepedən qələbə şərhi

Portuqaliya millisinin müdafiəçisi Pepe Avro-2024-ün ilk turu çərçivəsində Çexiya üzərində qazanılan 2:1 hesablı qələbəni şərh edib.

Futbolxeber.az saytının məlumatına görə, 41 yaşlı futbolçu oyun boyu rəqibdən üstün olduqlarını qeyd edib:

“Çox çətin gecə idi. Biz çox çalışdıq. Demək olar ki, bütün qarşılaşma boyu oyuna nəzarət bizim tərəfimizdə idi. Qapımızda qol gördükdən sonra sakitliyimizi qoruya bildik. Müdafiədə inamlı təsir bağışlayan Çexiya yığmasına qarşı mübarizə aparmaq həqiqətən də çətin idi. Lakin yekunda istəyimizə çatdıq”.

Qeyd edək ki, 90+2-ci dəqiqədə vurulan qolla qələbə qazanan Portuqaliya yığmasının müdafiəçisi çexlərlə görüşdə rekord müəllifi olub. 41 yaşlı Pepe 90 dəqiqə meydanda olmaqla Avropa çempionatları tarixinin ən yaşlı futbolçusu adına sahib çıxıb.