Tedesko məğlubiyyəti şərh etdi

Belçika millisinin baş məşqçisi Domeniko Tedesko Avro-2024-ün qrup mərhələsinin 1-ci turunda Slovakiyaya 0:1 hesabı ilə uduzduqları oyun barədə danışıb.

Futbolxeber.az saytının məlumatına görə, Belçika millisinin baş məşqçisi kimi ilk məğlubiyyətini alan 38 yaşlı mütəxəssis xeyli qol şansını boşa verdiklərini bildirib:

“Bilirdim ki, gec, ya tez  uduzacağıq. Təəssüf ki, bu gün məğlub olduq. Mən nəyisə yaxşılaşdırmaq üçün komandama çox az məsləhət verə bilərəm. Bu gün biz xeyli qol epizodu yaratdıq. Fərqlənə bilsəydik, oyun bizim üçün daha asan keçəcəkdi. Yalnız qaçırılan şanslara görə təəssüflənirəm. Həqiqətən də çox imkandan yararlana bilmədik. Lakin bu da futbolun bir hissəsidir. Təbii ki, futbolçular məğlubiyyətə görə çox məyusdurlar”.

Qeyd edək ki, Belçika millisi Avro-2024-dəki ikinci oyununu iyunun 22-də Rumıniyaya qarşı keçirəcək.